Den tredje studentstova er no opna!
Foto: Silje Vindedal, Sogn Avis
Den 7. november opna Sogn Sparebank dørene til sin splitter nye kontorhub i hjartet av Aurland. Vi i Sogn Kompetanse har vore så heldige å få tilgang til to dedikerte plassar, saman med Aurland kommune – ein plass spesielt for studentar!
Studenstova gir studentane i Aurland moglegheita til å ha ein fast og profesjonell arbeidsplass der dei kan studere, jobbe med prosjekt og samarbeide med andre. Det er ein stor fordel å ha ein slik plass for inspirasjon og fellesskap, og vi håpar dette kan bli ein sosial og fagleg møteplass for studentar i området.
Med moderne fasilitetar og eit tilrettelagt arbeidsmiljø, gir kontorhuben studentane ein flott plass å vere – uansett om dei jobbar med studieoppgåver, deltek i gruppearbeid eller ynskjer ein strukturert studiekvardag utanfor heimen.
Velkommen til Studenstova – vi ser fram til å sjå Aurlands studentar utnytte desse plassane og håpar at det vil bli ein verdifull ressurs for alle!
Vil du vite meir om Studentstova og korleis du kan bruke den?
Ta kontakt med oss i Sogn Kompetanse, og vi hjelper deg gjerne med informasjon og råd om korleis du kan dra nytte av dette unike tilbodet.
Du kan også lese meir om tilbodet vårt, samt booke deg ein leseplass her: https://www.sognkompetanse.no/studenstove