Studentstova

Ei studentstove er noko så enkelt som ein gratis leseplass for deg som er student. Om du bur her, eller berre er på besøk og treng ein plass for å studere, så har vi leseplass til deg!

Studentstova er eit attraktivt tilbod både for dei som bur i regionen, og for studentar som er på besøk eller er heime i kortare/lengre periodar. 

Per no har me oppretta tre studentstover; ei i Vik, ei i Øvre Årdal og ei i Aurland. Me jobbar med å få på plass det same tilbodet også i dei andre kommunane i Sogn.

Det å etablere møteplassar for studentar og å legge til rette for eit studentmiljø, uavhengig av kor lite det er, er viktig ikkje berre for dei som nyttar Studentstovene, men også for å løfte medvitet kring at det kan vere både mogleg og attraktivt å ta utdanning uavhengig av bustad, alder og livssituasjon.